Ekipi i ekspertëve shëndetësorë italianë kthehet nga Shqipëria në atdhe

Është bërë e ditur se ekipi i mjekëve italianë, të cilët trajnuan mjekët shqiptarë për dy javë në luftën ndaj Covid-19, janë kthyer në vendin e tyre, transmeton albinfo.ch.

Ambasada italiane është shprehur se ky është fillimi i një rrugëtimi, në të cilin do të punohet bashkarisht për të fituar sfidën ndaj Covid-19.

Postimi i Ambasadës italiane në Facebook:

Ekipi ynë shëndetësor kthehet sot në Itali pas dy javësh intensive pune në Shqipëri. Ky qe fillimi i një rrugëtimi në të cilin do të vazhdojmë të punojmë së bashku për të fituar sfidën ndaj Covid-19! Mirupafshim dhe Faleminderit.

Pjesë e ekipit ishte edhe një vajzë shqiptare rritur në Itali. 32 vjeçarja Eni Bardhi, e cila në momentin e mbërritjes ka rrëfyer emocionet për rikthimin në vendlindje si një infermiere profesioniste e Italisë.

Ky oportunitet qe me dhanë shteti shqiptar dhe shteti italiane si dhe spitali ku punoj ma kanë emocionuar shume, për dy motive: për atë që po bej  profesionalisht si infermiere dhe vendin ku po e bej sepse është vendi ku kam lindur dhe nuk mund te harrohet kurrsesi vendlindja Kështu  që jam shumë e  emocionuar. Dua të them që qava nga emocioni kur më komunikuan në spital që do të isha pjesë e ekipit që do të nisej drejt Shqipërisë.  I tregova familjes time se çfarë do të beja, ata janë shumë të kënaqur”, tha ajo gjatë një interviste televizive.