Shqipëria
Edi Rama reagon ndaj lajmit të rremë mbrëmë për tërmet të fuqishëm
Një lajm i rremë ka qarkulluar mbrëmë, për një tërmet të fortë me magnitudë 4,4.
Ky lajm i rremë ka nxjerrë të gjithë banorët e Trianës jashtë shtëpive të tyre duke qëndruar në rrugë.
Nga kjo ngjarje ka reaguar edhe kryeministri i Shqipërisë, Edi Rama, duke e quajtur këtë lajm të ulët dhe me tendenca të qëllimshme.
Më poshtë është reagimi i tij i plotë:
“Jam thellësisht i revoltuar, që një idiot apo disa syresh së bashku, përhapën një Fakenews kriminal për ardhjen e një tërmeti shkatërrues dhe kallën mbrëmë panikun në shpirtin e shumëkujt prej jush! Po njëkohësisht, jam thellësisht i keqardhur, që shumë prej jush, ranë pre e asaj ligësie të pashoqe, të prodhuar e shpërndarë me shpejtësi, nga marrëzia e kujt verbërisht kërkon sherr, rrëmujë, kaos mundësisht, për arsyet e panjerëzishme të Mosarsyes.” ka shkruar Rama.
Po ashtu Rama ka thënë se tërmetet e fundit kanë ndikuar keq tek populi, por fatmirësisht nuk ka humbje jete.
“Tërmeti që ra mbi Shqipërinë, tronditi qindramijëra familje, por fatlumësisht nuk mori asnjë jetë dhe dëmet e tij, që krahasuar me të tjera vende përreth, për të njëjtën shkallë Rihter e të njëjtat ballë në epiqendrën fare pranë Durrësit, mund të kishin qenë katastrofike, ishin të thuash pak, minimale. Lekundjet e mëpastajme, me të cilat u arrit deri në spekulimin çnjerëzor të mbrëmjes së djeshme, ishin sipas të gjithë ekspertëve, krejt brenda normës së procesit të stabilizimit të pllakave tektonike”, ka shkruar Rama në profilin zyrtar në Facebook.
E-Diaspora
-
LDK shënon 34 vjetorin e veprimtarisë në Zvicër me tubim në Gjenevë Lidhja Demokratike e Kosovës ka shënuar 34 vjetorin e veprimit të saj politik në Zvicër. “Para...
-
Një mbrëmje plot risi dhe frymëzim
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore