Intervista
Edhe një Shaqir i suksesshëm në Zvicër, këtë herë në industrinë e filmit
Kur përmendet mbiemri Shaqiri në Zvicër, njeriu i parë që të vjen në mendje është futbollisti shqiptar i kombëtares së Zvicrës, Xherdan Shaqiri. Por, nëse mbiemri të asocion me një yll sporti, nuk do të thotë që një ditë i njëjti mbiemër nuk do të përfaqësojë yje të fushave të ndryshme.
Në hapa të tillë drejt një suksesi të konsiderueshëm po shkon edhe Enis Shaqiri. I riu me origjinë nga fshati Raincë i Preshevës, është lindur dhe rritur në Winterthur të Zvicrës. Që nga fëmijëria e tij Enisi kishte hobi kamerën dhe muzikën. E ndërkohë, e kuptoi që kjo që po bënte si hobi, do të ishte e ardhmja e tij.
“Derisa isha në shkollë, merrësha me muzikë-klipa dhe me incizime të ndryshme dhe aty pashë që e gjithë kjo që bëja si hobi, ishte ajo që unë e doja për të ardhmen. Pasi përfundova shërbimin ushtarak për 10 muaj, u regjistrova në SAE Institute, ku studiova për 3 vjet e gjysmë dhe diplomova për ‘Digital Fim Producer’ dhe tash jam në përfundim të Bachelorit në Digital Film Producer”, kështu u shpreh Enis Shaqiri, gjatë intervistës për Albinfo.ch.
Albinfo.ch: Por cila është përvoja juaj si regjisor filmash në Zvicër?
Enis Shaqiri: Jam duke i mbledhur përvojat e para në disa agentura në Zvicër, ndërkohë jemi në përgatitje të një filmi, i cili ndihmohet nga Qyteti i Winterthurit, që ka të bëjë me diskriminimin dhe radikalizimin e rinisë në Zvicër, është film i metrazhit të shkurtër, 20 minuta.
Albinfo.ch: A keni punuar në ndonjë film me shqiptarë apo jo ende?
Enis Shaqiri: Po kam bërë disa filma, si për shembull ‘’Black roses – Shiny Diamonds’’ me drejtor të filmit Navid Dawoodi, si dhe mbi 50 videoklipe muzikore.
Albinfo.ch: A po punoni në ndonjë film tani?
Enis Shaqiri: Momentalisht po merrem me temën e diplomës dhe parapërgatitjet për studimet master.
Albinfo.ch: Cilat janë planet tuaja për të ardhmen?
Enis Shaqiri: Kam shumë plane për të ardhmen dhe njëkohësisht kam shumë mundësi të mira, meqë bashkëpunoj me disa agjenci. /Albinfo.ch
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani