Edhe kompanitë farmaceutike nisin largimin nga Rusia

Një numër i madh kompanish perëndimore janë larguar deri në këto momente nga Rusia apo kanë pezulluar aktivitetin e tyre për shkak të ndërhyrjes ushtarake të trupave të këtij vendi në Ukrainë, përcjell Albinfo.ch.

Së fundmi, pjesë e këtyre sanksioneve ndaj Rusisë, në javën e tretë të luftimeve në Ukrainë, janë bërë dhe një numër shumë i madh kompanish farmaceutike.

Kompania Novartis ka njoftuar se do të pezullojë të gjithë investime në Rusi dhe aktivitetin e marketingut, ndërsa premtoi dhe një donacion 3 milionë dollarë për organizatat humanitare, transmeton Cnn.

“Eli Lilly” gjithashtu bën me dije se ka ndalur investimet, promocionet dhe provat klinike si dhe eksportin e ilaçeve jothelbësore.

Gjithashtu, fitimet nga shitjet e fundit në Rusi do të shkojnë për qëllime humanitare.

Më herët edhe AbbVie, Bayer, Bristol Myers Squibb, Pfizer dhe Sanofi kanë njoftuar ndaljen e shumë aktiviteteve të tyre në Rusi.