The Economist: Kosova, vend i zymtë dhe pa perspektivë për të rinjtë

Ndonëse u bënë 18 vjet që ka përfunduar lufta e fundit në Kosovës dhe një dekade që kur vendi e shpalli pavarësisë vazhdojmë të përmendemi si katastrofë ekonomike. “The Economist” thotë se ëndrra e të rinjve është migrimi  

Kanë kaluar gati dy dekada që nga përfundimi i luftës dhe 10 vjet nga shpallja e pavarësisë,  por se Republika e Kosovës ka ngecur në zhvillimin ekonomik dhe ndërtimin e klimës për investime të huaja. “The Economist” në një artikull thotë së zyrtarët e Kosovës po fajësojnë Serbinë që ekonomia e vendit ka ngecur ngase po pengohen investimet.

“Zyrtarët e Kosovës thonë se ekonomia e vendit të tyre po çalon nga mosmarrëveshjet me Serbinë, e cila refuzon të pranojë pavarësinë e saj dhe kërcënon veprimin ligjor kundër firmave të mëdha të huaja që dëshirojnë të investojnë në të”, shkuan “The Economist” , transmeton lajmi.net.

Sido qoftë aty mes tjerash përmendet edhe pengesa që Rusia ka ndaj Kosovës të mos bëhet anëtare e Kombeve të Bashkuara dhe ritheksohet se pesë anëtarë të BE nuk e njohin pavarësisë e vendit.

Duke lënë anash krizën dhe papunësinë “ The Economist” përmend edhe disa gjera të vogla që i japin jetë këtij vendi “me pamje të zymtë”, por nuk lë pa përendur vështirësitë që përballen bizneset dhe mosofrimi i ndihmës nga ana institucionale.

Aty përmendet edhe arsimi, thuhet se sistemi i arsimit në Kosovë është i vjetruar dhe qeveria nuk ka ndonjë planifikim për të modernizuar atë. Nuk ngelet pa e përmendur edhe rritja ekonomike prej 3.5 për qind e ndihma nga diaspora që janë shpëtim për vendin.

Madje, nuk harrohet as ëndrra e të rinjve që të largohen nga vendi në kërkim të një jete më të mirë.