E-Diaspora
E rrallë: I akuzuari në Zvicër kërkohet me Gazetë Zyrtare
Në muajin nëntor të këtij viti, një kosovar do duhet të përgjigjet para Gjykatës rajonale në Baden, por askush nuk e di se ku gjendet aktualisht i akuzuari.
Data e gjykimit: Më 7 nëntor 2018. Akuzat: tentimvrasje dhe plaçkitje. Vendi i banimit të të pandehurit: I panjohur. Kjo është një ftesë gjyqësore që mund të lexohet në Gazetën Zyrtare të Aargaut nga data 31 gusht i këtij viti, shkruan “Aargauer Zeitung”, përcjell Albinfo.ch.
Kështu është njoftuar një shtetas kosovar për gjykimin e tij pranë Gjykatës së rrethit në Baden dhe ai duhet të paraqitet. Por, si duket askush nuk ka lidhje se ku gjendet aktualisht. Kjo çështja hap shumë pyetje: Si ndodhi kjo? Pse i akuzuari nuk është në paraburgim?
Gjakata rajonale në Baden nuk jep informata për rastin konkret, pasi është një çështje e pazgjidhur. Në përgjithësi, përgjegjësja për marrëdhënëiet me media, Vanessa Bugmann është e sigurt: “Duhet të jetë një dyshim urgjent, si dhe një arsye e veçantë, të tillë si rreziku i arratisjes, rreziku i errësimit të lëndës apo rreziku i përsëritjes së veprës, për ta paraburgosur ndokend dhe për ta mbajtur më tej”, transmeton më tej Albinfo.ch.
I pandehuri është zhdukur
Në rastin e kosovarit të akuzuar, nuk duket të jetë një rast i ngjashëm. Pavarësisht se akuzohet për tentimvrasje, ai duket se nuk ka qenë në paraburgim ose është liruar nga paraburgimi. A nuk ka pasur rrezik të arratisjes? Kjo pyetje duhet fillimisht të mbetet e hapur, por në mënyrë të qartë është se personi është zhdukur dhe për këtë arsye duhet të ftohet përmes Gazetës Zyrtare në gjykimin e tij.
Por, çka nëse i akuzuari nuk e lexon Gazetën Zyrtare dhe nuk paraqitet në gjykim? “Në përgjithësi, me ligj, personi i akuzuar ftohet për herë të dytë në qoftë se mungon pa justifikim”, thotë Vanessa Bugmann.
Shqiptimi i dënimit në mungesë është i mundshëm
Nëse ai nuk paraqitet edhe gjatë seancës së dytë gjyqësore, në kushte të caktuara mund të shqiptohet një vendim në mungesë të tij. Megjithatë, kjo është e mundur vetëm nën kushte të caktuara: “Të akuzuarit duhet të kenë mundësinë për tu përgjigjur mbi veprat e pretenduara në proceset e mëparshme, informon Albinfo.ch. Përveç kësaj, provat mund të lejojnë një vendim pa praninë e të akuzuarit.
Nëse i akuzuari nuk paraqitet për gjykim, Atij mund t`i dalë shumë shtrenjtë. Kosovarit të akuzuar mund t`i vihen në barrë një gjobë prej rreth 1.000 frangash, si dhe shpenzimet e procedurës dhe kompensimit.
Të ngjashme
Të tjera nga E-Diaspora
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri