Lajme
Dyseldorf: Kërcënon me armë të rreme një grup personash, arrestohet shqiptari
28-vjeçari shqiptar ka vrapuar pas një grupi prej tre personash, me armën mashtruese me pamje reale në dorë dhe ka bërtitur që të gjithë të shtrihen në tokë
Një person 32 vjeçar është kërcënuar të mërkurën pasdite (12 prill) në orën 17:35 nga një 28-vjeçar me një automatik ajror pranë Stacionit Qendror Hekurudhor të Düsseldorfit, transmeton albinfo.ch. Kërcënuesi është arrestuar dhe ka nisur procedimi penal ndaj tij.
Mësohet se 28-vjeçari shqiptar ka vrapuar pas një grupi prej tre personash, me armën mashtruese me pamje reale në dorë dhe ka bërtitur që të gjithë të shtrihen në tokë, raporton nrw-aktuell.tv. Teksa 32-vjeçari gjerman ishte shtrirë në tokë, ai ka parë automatikun që i drejtohej. Pas kësaj, i dyshuari ka ikur duke qeshur në drejtim të panjohur.
Personi i dëmtuar është paraqitur në qendrën e policisë federale në stacionin kryesor të trenit dhe ka përshkruar rastin që i ka ndodhur. Përveç tij, edhe dëshmitarë të tjerë kanë telefonuar policinë (nr 911).
28-vjeçari është gjetur në afërsi të vendit të ngjarjes. Policia ka mundur të shohë atë duke hedhur tutje armën e rreme, transmeton albinfo.ch. Sidoqoftë ai është arrestuar dhe është dërguar në stacionin e policisë federale. Arma (një imitim mitralozi) është konfiskuar.
Më vonë doli se i dyshuari po qëndronte në Gjermani pa leje. Ai është dërguar në mbajtje policore dhe ndaj tij ka nisur procedimi penal për kanosje, qëndrim të paligjshëm dhe procedim për kundërvajtje administrative për shkelje të ligjit për armët.
(Arma e konfiskuar. Foto: Bundespolizei)
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?