Futboll

Dy shqiptarë kurorëzohen kampionë në Zvicër me Thun-in

E diel, 3 Maj 2026 - 23:15 albinfo.ch

(KEYSTONE/Anthony Anex)

Klubi zviceran Thun ka siguruar titullin kampion për sezonin 2025/26 në Superligën e Zvicrës, duke e mbyllur garën për kreun pas fitores 3-0 të Sionit ndaj St. Gallen, rezultat që vulosi gjithçka në mënyrë matematikore.

Në këtë sukses të madh të klubit, pjesë e rëndësishme kanë qenë edhe dy futbollistët me prejardhje shqiptare, Kastriot Imeri dhe Valmir Matoshi.

Të dy lojtarët kanë dhënë kontribut të vazhdueshëm gjatë gjithë sezonit. Imeri ka regjistruar 28 paraqitje me 6 gola dhe 7 asistime, ndërsa Matoshi ka luajtur 31 ndeshje, duke shënuar 6 gola dhe dhënë 4 asistime.

Me paraqitjet e tyre, dyshja shqiptare ka ndihmuar dukshëm Thun-in në rrugëtimin drejt titullit kampion.