Dy persona gjenden të vdekur në liqenin e Luganos

Dy persona që ishin raportuar të zhdukur gjatë ditës së djeshme në zonën midis Figino dhe Pianroncate në liqenin Lugano, janë gjendur të vdekur, raporton Blick, përcjell albinfo.ch.

Policia e Ticinos nisi një operacion kërkimi në shkallë të gjerë të mërkurën teksa tani është njoftuar se burri dhe gruaja kanë vdekur.

Sipas njoftimit nga policia kantonale ata ishin në një varkë me qira, teksa u tha se sipas njoftimit dy personat u raportuan të zhdukur pak para orës 16:00.

Operacioni i kërkimit i nisur menjëherë ishte i pasuksesshëm, pasi për shkak të errësirës, ​​kërkimi është dashur të ndërpritet në mbrëmje.

Trupat e tyre janë gjendur në një thellësi prej rreth 60 metrash dhe rreth 130 metra nga bregu.