Dy motrat nga Kosova që vdiqën në aksident në Gjermani, varrosen nesër në Topanicë të Kamenicës

Nesër, më 27 qershor 2026 u jepet lamtumira e fundit dy motrave të ndjera, Erza dhe Aulona Zubaku, të cilat humbën jetën tragjikisht në aksidentin e rëndë rrugor të ndodhur në autostradën A5, në afërsi të Appenweier, Gjermani, raporton albinfo.ch.

Humbja e Erzës dhe Aulonës Zubaku në lulen e rinisë ka prekur thellë jo vetëm familjen e tyre, por edhe mbarë komunitetin shqiptar në Zvicër, Gjermani, Kosovë dhe më gjerë.

Namazi është falur më 26 qershor 2026, në ora 17:00, në Varrezat e Myslimanëve, Im Hau 50, 8053 Zürich. Ceremonia e varrimit do të zhvillohet më 27 qershor 2026, pas namazit të drekës, në vendlindje, në Topanicë, Komuna e Kamenicës.