Lajme
Domatet e eksportuara nga Shqipëria shiten gjerësisht në gjithë Europën
Prodhimet bujqësore shqiptare gjithnjë e më tepër po gjejnë vend në tregjet europiane.
Ministri i Bujqësisë dhe Zhvillimit Rural, Blendi Çuçi, deklaroi sot se eksporti i fruta-perimeve shqiptare është një realitet që flet vetë për transformimin e madh që ka pësuar sektori bujqësor vit pas viti, falë politikave tona në mbështetje të sipërmarrjeve private dhe investimeve në infrastrukturën e ujitje-kullimit, që ndihmojnë fermerët anembanë Shqipërisë, shkruan atsh, përcjell Albinfo.ch.
Çuçi publikoi foto nga një prej supermarketeve në Sardenja të Italisë, ku në etiketën e produktit shënohet origjina, Shqipëri.
“Një miku im në Itali më dërgoi këtë foto teksa ishte duke bërë pazar në një prej dyqaneve në Sardenja pranë lagjes ku banon. Domate të eksportuara nga Shqipëria që shiten gjerësisht në Itali, ashtu sikundër i gjen në tregje të tjera në gjithë Europën”, deklaroi ministri.
Ministri shtoi se produktet tona bujqësore janë cilësore prandaj konkurrojnë prej vitesh në tregjet e huaja.
Edhe gjatë vitit 2020, pavarësisht krizës së shkaktuar nga COVID-19, eksportet e fruta-perimeve shqiptare kanë rritje dyshifrore krahasuar me vitin e shkuar.
Gjatë nëntë muajve të këtij viti, ministri informoi se kanë eksportuar 18% më shumë në sasi dhe 17% më shumë në vlerë krahasuar me të njëjtën periudhë të vitit 2019.
“Rritja e eksporteve është shoqëruar gjithashtu edhe me zgjerim në tregje të reja, ku shiten fruta e perime të prodhuara nga fermerët shqiptarë”, tha ai.
Me skemën e re të naftës pa taksa që do të aplikojmë vitin e ardhshëm, bëri të ditur ministri do të ulim më tej kostot për fermerët.
“Kjo mbështetje do të ketë një impakt të madh në rritjen e mëtejshme të prodhimit bujqësor dhe rritjen e konkurrueshmërisë së produkteve tona. Mirënjohje për ata që punojnë dhe investojnë në zonat rurale. Do të jemi krah tyre për t’i mbështetur hap pas hapi që nga puna në fermë e derisa produkti i tyre të mbërrijë në tregje për konsumatorët”, deklaroi Çuçi.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?