Tematike
Dollari forcohet kundrejt euros dhe frangut zviceran
Dollari u rrit kundrejt euros dhe frangut zviceran në tregjet e monedhave ndërkombëtare, pasi investitorët u përqëndruan në ndihmën e SHBA-ve gjatë krizës me virusin korona dhe përshkallëzimin e tensioneve midis Shteteve të Bashkuara të Amerikës dhe Kinës.
Euro dobësohet 0.2 për qind ndaj dollarit dhe tregtohet me 1.17605 dollarë amerikanë. Euro u rrit kundrejt frangut zviceran me të njëjtën përqindje (0.2 për qind) në 1.0773 franga, shkruan albinfo.ch.
Monedha zvicerane gjithashtu u dobësua ndaj dollarit, me 0.4 për qind, duke rënë në 91.59 centë zviceran për dollar.
Indeksi i dollarit u rrit një për qind në krahasim me gjashtë monedhave të tjera kryesore botërore në 93.532 pikë indeksi.
Investitorët ishin preokupuar në fund të javës së kaluar me të dhënat e punësimit në SHBA që tregojnë se punëdhënësit krijuan 1.8 milionë vende të reja pune në korrik, dukshëm më pak se në qershor, por shkalla e papunësisë ra në 10.2 për qind.
Investitorët po blinin më shumë dollarë, pasi tensionet mes Shteteve të Bashkuara dhe Kinës u përshkallëzuan. Në fund të javës së kaluar, Shtetet e Bashkuara vendosën sanksione ndaj zyrtarëve të lartë kinezë dhe Hong Kong, dhe Pekini u hakmor sot duke vendosur sanksione ndaj 11 shtetasve amerikanë.
Frangu zviceran u dobësua pasi të dhënat treguan se depozitat e kërkesës në Bankën Nacionale e Zvicrës SNB u rrit javën e kaluar, zakonisht duke sinjalizuar që banka po ndërhynte në tregun e këmbimit valutor për të dobësuar monedhën vendase.
“Evropianët duket se po blejnë euro dhe po shesin valuta të brendshme, gjë që është veçanërisht e vërtetë për frangun zviceran. “Amerikanët, nga ana tjetër, po blejnë euro dhe po shesin dollarë”, tha Marshall Gitler nga BDSwiss Group në një shënim për klientët.
Të tjera nga Tematike
E-Diaspora
-
Ambasadori i Kosovës, Mentor Latifi, viziton kompaninë smzh AG Diplomati kosovar theksoi rëndësinë e forcimit të marrëdhënieve ekonomike dhe tregtare ndërmjet Kosovës dhe Zvicrës, duke...
-
Shaqiri, “kryefjalë” e numrit më të ri të revistës albinfo.ch
-
Dy shqiptarë dënohen me burg dhe me “dëbim të menjëhershëm” nga Zvicra
-
Zvicër
Ema Hoti, finaliste në “Miss Universe Switzerland”
-
Stokholm: Petrit Gora, drejtor i REX i Animation Film Festival
Jeta në Austri
-
Si mund të dal nga një kontratë qiraje në Austri? A keni parë një apartament në Vjenë ose diku tjetër në Austri dhe keni nënshkruar një...
-
Moti ekstrem: Përmbytje dhe zjarre në gjithë Evropën
-
Pas përmbytjeve, rikthehet operimi i linjave të transportit publik të Vjenës
-
Përmbytjet në Austri: Gjendet trupi i viktimës së pestë
-
Pas fatkeqësisë së përmbytjeve në Austri, moti po ndryshon tërësisht