Lajme
Doli nga shtypi numri më i ri i magazinës albinfo.ch
Është një numër që sfidon pandeminë përmes prezantimit të temave nga kultura, artet sepse janë këto që e mbajnë gjallë shpirtin e një populli
Pikërisht sot, më 28 Nëntor ka dalë nga shtypi numri më i ri i revistës albinfo.ch. Ky numër pra po sheh dritën në Ditën e Flamurit, ditë që duhej të përshkohej nga atmosfera festive por që, për shkakun që dihet, këtë vit ka marrë një tis të zymtësisë.
Përkundër kësaj, ose, pikërisht për këtë, albinfo.ch në versionin e saj të shtypur, në këtë edicion shpërthen nga ngjyrat dhe larushia e temave. Është një numër që sfidon pandeminë përmes prezantimit të temave nga kultura, artet sepse janë këto që e mbajnë gjallë shpirtin e një populli.
Në këtë vështrim, redaksia e revistës ka bërë përpjekje të paraqesë vlera të dëshmuara, nga krijues të afirmuar ose në rrugë të afirmimit, vlera që janë krijuar e po krijohen në diasporë, që është fokusi i gjithëhershëm i yni.
Këtë shpalosje e nisim me intervistën e Elina Dunit, këngëtares që ka bërë emër në skenat zvicerane e botërore të xhazit. Pastaj vazhdojmë me portretin e shkrimtares mjaft premtuese, Shqipe Sylejmani, e cila po bën hapat e parë dhe mjaft seriozë në letërsi dhe me krijuesin e gjithanshëm, Bujar Berisha, të shpërblyer nga komuna e tij (Emmen) me çmimin e vitit për kulturë, për të shkuar më tutje, me balerinin Igli Mezini, i cili po shënon suksese në skenën e baletit të Teatrit të Lucernit etj.
Në këtë vazhdë është edhe intervista me artistin dhe gazetarin Rromir Imamin, i cili është emëruar drejtues i Qendrës Kulturore të Maqedonisë së Veriut në Bernë, “Nomart”.
Sigurisht, as këtij numri nuk i mungojnë temat tjera që lidhen me punën e bashaktdhetarëve tanë në fushën e integrimit ose politikës në vendin e pritjes. Në këtë kontekst vlen të dallohet intervista me “zonjën e hekurt” Afërdita Bogiqi, e cila së fundi është zgjedhur pjesë e ekzekutivit në komunën e saj, Momnthey, në kantonin Valis, si e para grua pas 8 vitesh mungesë të gjinisë së bukur në këtë ekzekutiv.
Temat e zakonshme si rubrika e librit, e filmit, prezantime të bizneseve etj. janë po ashtu pjesë e këtij numri.
Redaksia e albinfo.ch me këtë rast u uron të gjithë lexuesve 28 Nëntorin, Ditën e Pavarësisë së Shqipërisë.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri