Kosova

Dogana në Kosovë parandalon kontrabandën me duhan

E premte, 18 Gusht 2023 - 17:00 albinfo.ch

Dogana e Kosovës ka njoftuar se zyrtarët doganorë sot në Prizren kanë parandaluar kontrabandën me duhan në sasi prej 77 kilogramësh, shkruan albinfo.ch.

Sipas njoftimit, zyrtarët pas pranimit të informatave përmes rrugëve operative, kanë organizuar kontrolle në dy lokacione të dyshimta.

“Në këtë proces ata kanë zbuluar 77 kg duhan të përpunuar, për të cilin palët nuk kanë mundur të prezantojnë dokumentacion të origjinës. Vlera e këtij malli llogaritet të jetë rreth 1000 euro, ndërsa shmangiet nga Taksat Doganore janë vlerësuar në 3,468.00 euro”, thuhet në njoftimin e Doganës.

Tutje thuhet se pas konstatimit të këtyre shkeljeve, malli i kontrabanduar është konfiskuar dhe është ndërmarrë veprim për të filluar procedurat kundërvajtëse ndaj palëve të përfshira në këtë aktivitet të paligjshëm.

“Dogana e Kosovës ka aplikacionin e-Dogana për pajisjet e mençura ‘android’ dhe ‘ios’, i cili mundëson lajmërim të parregullsive dhe sjelljeve joprofesionale me komunikim të sigurt dhe gjithashtu ofron shërbime të tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi”, thuhet ndër të tjera në njoftim.

 Të ngjashme

Gjenerali Clark: E padrejtë që sot bëhet më shumë trysni ndaj Kosovës sesa ndaj Serbisë

 Të tjera nga Kosova

Përfitimet e ekonomisë së Kosovës nga regjistrimi i popullsisë

 E-Diaspora

 Jeta në Austri