Futboll

Dje Ronaldo largoi Coca Colën, sot Pogba hoqi birrën

Gjatë konferencës për media, Pogba largon birrën nga tavolina

E mërkurë, 16 Qershor 2021 - 20:47 albinfo.ch

Mesfushori i Francës, Paul Pogba, gjatë konferencës për media pas ndeshjes me Gjermaninë, largoi birrën heineken që ishte e vendosur para tij, në tavolinë, për tu reklamuar.

Pogba njihet praktikues i fesë islame, andaj duket se kjo ishte arsyeja pse ai vendosi ta largojë birrën.

28-vjeçari, u shpall “lojtari i ndeshjes” në përballejn që Franca e fitoi ndaj Gjermanisë, me rezultat minimal 1:0.

Kujtojmë që edhe ylli i Portugalisë, Cristiano Ronaldo, pak ditë më herët, gjatë konferencës për media, kishte larguar dy shishe te Coca-Colës nga tavolina, dhe bëri thirrje te njerëzit që të pijnë më shumë ujë.

Nga ky gjest i Ronaldo-s, thuhet se Coca-Cola brenda 24 orësh, ka humbur hiç më pak se katër miliardë euro.

Pritet të shihet në vazhdim se a do të ndëshkohen futbollistët, pasi që po pengojnë sponsorët e “Euro 2020”.