Distria dhe Nora humbin në gjysmëfinale

Distria Krasniqi, Nora Gjakova dhe Dardani Cena luftojnë për medaljen e bronztë

Distria Krasniqi dhe Nora Gjakova kanë pësuar humbje në ndeshjet gjysmëfinale, por kanë mbetur në garë për medaljen e bronztë në Kampionatin e Hapur Evropian që po mbahet në Prishtinë, përcjell albinfo.ch.

Xhudistja jonë, Distria Krasniqi, është ndalur në gjysmëfinale të Kampionatit të Hapur Evropian, duke u mposhtur në gjysmëfinale nga izraelitja Timna Nelson Levy.

Distria u mposht me ‘waza-ari’ në kohën shtesë për t’u eliminuar nga gara për medaljen e artë.

Njësoj ndodhi edhe me Nora Gjakovën, e cila u mposht në gjysmëfinale nga Eteri Liparteliani e Gjeorgjisë.

Nora u mposht me ‘ippon’ nga kundërshtarja e saj.

---