Lajme
Diplomuan nxënësit e Shkollës Shqipe të mësimit plotësues në kantonin e Cyrihut
Kësaj radhe, me 3 Korrik 2020, në një ambient solemn, diplomat e shkollës shqipe të mësimit plotësues në Zvicër, iu dorëzuan nxënësve, që kishin përmbyllë me sukses ciklin e plotë të mësimit plotësues në kantonin e Cyrihut, shkruan albinfo.ch.
Në ambientet e Rinora4 në Rümlang të kantonit të Cyrihut diplomuan gjithsej 43 nxënëse e nxënës, të cilët e vijuan mësimin në Gjuhën Shqipe në kuadër të LAPSH „Naim Frashëri“ për kantonin e Cyrihut.
Po ashtu, në këtë mbrëmje festive, përpos nxënësve dhe prindërve të tyre, ishin të pranishëm edhe udhëheqësi i Misionit Konsullor i Konsullatës së Republikës së Kosovës në Cyrih, z. Sami Kastrati dhe kryetari e LAPSH „N. Frashëri“ për Zvicër, z. Nexhat Maloku, të cilët, bashkë me kryetarin e Këshillit Kantonal, z. Naser Ulaj dhe mësueset, i përshëndetën të pranishmit dhe i përgëzuan nxënësit për suksesin e arritur e njëkohësisht u uruan atyre suksese të mëtejshme në fushën e shkollimit.
Gjithashtu, përgjegjësit e LAPSH-së i falënderuan prindërit për përkrahjen që po ia japin Shkollës shqipe dhe gjithashtu e falënderuan pronarin e Rinora4, z. Habib Leci, i cili ofroi falas ambientet e Rinora4 për këtë mbrëmje.
Në vazhdim nxënësve iu dorëzuan diplomat dhe u bënë fotografi, një numër të të cilave i shihni këtu.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?