Futboll

Dajaku, ylli shqiptar i radhës në Gjermani

Leon Dajaku është vetëm 18-vjeçar dhe ka debutuar me Bayern Munichun

E diel, 22 Dhjetor 2019 - 12:00 albinfo.ch

Në Gjermani luajnë disa futbollistë shqiptarë që kanë rol kyç në skuadrat e tyre.

Një talent që pritet të shkëlqejë në të ardhmen është Leon Dajaku, me prejardhje nga Kosova, shkruan albinfo.ch.

Dajaku është vetëm 18-vjeçar, derisa të shtunën ka debutuar për gjigantin gjerman, Bayern Munich, në fiton 2:0 ndaj Wolfsburg-ut në “Allianz Arena”.

Ai erdhi në Bayern nga Stuttgart, ku edhe me këtë skuadër kishte luajtur dy ndeshje në Bundesligë.

Leoni luan për Gjermaninë U17 dhe U18, derisa në të ardhmen mund të zgjedhë të luajë për Gjermaninë, Kosovën apo Shqipërinë.

Sidoqoftë, futbollisti i ri shqiptar ka një të ardhme të ndritur, derisa për lojën e fundit e ka përgëzuar edhe klubi i Bayernit.

“Urime për debutimin, Leon Dajaku!”, shkroi Bayerni në Facebook.

 Të ngjashme

Fillon sezoni i ri në Bundesliga, Bayern përballë Schalke 04

 Të tjera nga Futboll

Presidenti i Baselit flet për të ardhmen e Shaqirit: “Nuk mendoj se do të largohet”

 E-Diaspora

 Jeta në Austri