Lajme
Cyrihu po teston airbag-ët për tramvaj
Projekti i filluar në dhjetor 2021 pritet të përfundojë në verën e vitit 2024
Kompania e Transportit Publik (VBZ) të Cyrihut dëshiron të sigurojë më shumë siguri në trafikun me shina. Në këtë drejtim tashmë është bërë testimi i airbagëve tüe ngjitur në pjesën e përparme të tramvajit.
Një video në X (ish Twitter) tregon një tramvaj që lëviz drejt një kukulle testuese (manekin), transmeton albinfo.ch. Pak para përplasjes me të, jastëku i ajrit i ngjitur në ballë të tramvajit fryhet dhe pengon që kukulla në fjalë të futet poshtë automjetit.
Ideja për një airbag në pjesën e përparme të tramvajit nuk është e re. Që në verën e vitit 2021, kreu i VBZ, Marco Lüthi, kishte thënë se VBZ synonte të zbulonte nëse jastëkët e ajrit do të reduktojnë goditjen dhe pasojat.
Në mars kanë ndodhur disa aksidente të rënda tramvaji në Cyrih brenda një jave, shkruan 20minuten.ch. Prandaj, këshilltarët lokalë të SVP, Samuel Balsiger, si dhe Michele Romagnolo dhe Yves Peier, kërkuan në një postulat që tramvajet të bëhen më të sigurta.
Tani që është bërë një test i tillë i airbag-ut, thotë zëdhënësi i medias VBZ, Leo Herrmann për NZZ, projekti i filluar në dhjetor 2021 pritet të përfundojë në verën e vitit 2024.
Sipas gazetës, këto përgatitje po kryhen së bashku me prodhuesin e trenave dhe tramvajëve, “Alstom”, përcjell albinfo.ch. Airbag-ët aktivizohen nga një sensor në pjesën e përparme të kabinës së shoferit.
Këtë vit tashmë ka pasur disa vdekje të shkaktuara nga tramvajet në trafikun rrugor të Cyrihut. Në fillim të marsit, VBZ madje pati një javë të pafat – tre persona vdiqën brenda një jave.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Vjenë
Vjenë: Kori Siparantum, edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj