Lajme
Cyrihu unifikon kardiokirurgjinë: Dr. Omer Xhemali vihet në krye të saj
Dr Omer Xhemali, krahas zgjedhjes së tij në postin e drejtorit të Klinikës së Kardiokirurgjisë në Spitalin Universitar të Cyrihut, mbetet edhe kryemjek i Klinikës për Kardiokirurgji në Spitalin e Qytetit të Cyrihut
Kardiokirurgjia në Spitalin Universitar të Cyrihut (USZ) dhe ajo Spitalin e Qytetit (Triemlispital) do të jenë nën menaxhimin e përbashkët të Omer Dzemalit (Xhemalit) nga 1 dhjetori 2022, transmeton albinfo.ch. Prandaj, 52-vjeçari përveç që do të punojë si Drejtor i Klinikës së Kardiokirurgjisë në USZ, do të vazhdojë të punojë edhe si kryemjek Klinikës për Kardiokirurgji në Spitalin e Qytetit të Cyrihut.
Unifikimi i kardiokirurgjisë së Cyrihut ka kuptim nga pikëpamja mjekësore dhe ajo biznesore, thuhet në një deklaratë të dy spitaleve, shkruan medinside.ch. Qëllimi i bashkëpunimit është përdorimi i sinergjive midis dy klinikave të kirurgjisë së zemrës në operacionet e përditshme. Kjo do të shprehet për shembull përmes shërbimeve të përbashkëta, rotacionit të stafit, raporteve të përbashkëta dhe trajnimeve.
Pikat e mëtejshme të bashkëpunimit do të përcaktohen bashkërisht në muajt në vijim. Ndërkaq, klinikat e kardiologjisë dhe kirurgjisë vaskulare të dy institucioneve nuk janë pjesë e bashkëpunimit.
Sipas njoftimit, vargu i shërbimeve për procedurat e planifikuara dhe urgjente kirurgjikale të zemrës do të vazhdojë të sigurohet në të dyja lokacionet me menaxhim të përbashkët, përcjell albinfo.ch. Dy spitalet e qytetit të Cyrihut kanë punuar së bashku prej disa vitesh si pjesë e Aleancës së Kardiokirurgjisë së Cyrihut.
Qëllimi i deklaruar ishte promovimi i bashkëpunimit më të ngushtë.
Prof. Dr. Omer Xhemali po vihet kështu në krye të gjithë kardiokirurgjisë së Cyrihut, që është një ndër qendrat më të avancuara të kësaj fushe në Evropë.
E-Diaspora
-
Shtetasja zvicerane arrestohet në Viti për shkak të kërcënimeve Dyshohet se kanosi një burrë përmes rrjeteve sociale...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri