Çifti kosovar dënohet me gjobë për 214.000 franga të fituara në mënyrë të paligjshme

Gjykata thotë se fondet e IV janë paguar në mënyrë të gabuar. Gruaja dhe burri dënohen me gjobë prej 240 tarifash ditore prej 30 frangash

Një grua dhe burri i saj u dënuan me një gjobë me kusht në Gjykatën Penale të Lucernit. Gruaja akuzohej se është shtirur si e sëmurë para autoriteteve të IV (Pensioni i Invaliditetit), për vite me radhë. Të dy do të ankohen kundër dënimit.

173.000 franga pensioni IV dhe 41.000 franga kompensim pafuqie – aq para akuzohet se i ka rrëmbyer kosovarja. Kjo është akuza e ngritur nga prokuroria publike e Lucernit, transmeton albinfo.ch. Në akuzë thuhet se ajo i ka mashtruar autoritetet për tetë vite me radhë që të besojnë se ishte e sëmurë për tetë vjet .

Në shtator të vitit 2008, çifti kishte paraqitur një kërkesë për mbështetje të IV në Lucern për herë të parë. Kosovarja ka qëndruar e heshtur para ekspertëve dhe mjekëve. Siç shkruan prokurorja publike në aktakuzë, ajo është shfaqur si e munguar dhe në ankth. Ajo i drejtohej vazhdimisht burrit të saj për ndihmë, shkruan zentralplus.ch. Ai iu përgjigjej pyetjeve në emër të saj.

Ata të dy u kanë treguar autoriteteve dhe ekspertëve lloj-lloj historish. Gruaja nuk mund të vishej ose të kujdesej për veten, ajo nuk mund të komunikonte në mënyrë të pavarur dhe sigurisht nuk mund të menaxhonte shtëpinë ose të mbante kontakte. Ata të dy thoshin se ajo kishte gjithmonë nevojë për ndihmë, trasnmeton albinfo.ch. Gjithashtu mësohet se kanë pohuar se 59-vjeçarja kishte probleme me zemrën dhe dhimbje shpine.

Sipas prokurorisë, gruaja ishte diagnostikuar gabimisht se vuante nga një çrregullim depresiv-stuporoz dhe mutistik, si dhe nga klaustrofobia dhe tendenca drejt një çrregullimi ankthi.

Me një sëmundje të tillë, të prekurit bien në një lloj paralize. Shpesh ka mungesë të ndonjë aktiviteti fizik ose mendor, edhe pse vetëdija në të vërtetë mbetet e paprekur. Ata që vuajnë janë zakonisht plotësisht apatikë dhe vështirë se reagojnë ndaj stimujve të jashtëm.

Gjykata vendos një gjobë me kusht

Gjykata penale tani ka dalë në përfundimin se fondet e IV janë paguar në mënyrë të gabuar, përcjell albinfo.ch. Ajo ka dënuar gruan dhe burrin e saj me një gjobë prej 240 tarifash ditore prej 30 frangash për mashtrim masiv, me një periudhë prove prej dy vjetësh. Të dy duhet të paguajnë edhe 2300 franga shpenzime gjyqësore secili. Kjo është ajo që del nga një gjykim.

Por çifti nuk e pranon vendimin e fajësisë. Mbrojtësit e saj kanë bërë ankesë kundër aktgjykimit. Tani për tani, ende vlen prezumimi i pafajësisë .

---