Maqedonia
Çfarë fabrike do të hapë Lazim Destani në Maqedoni?
Ndërtimi i fabrikës në Tetovë kap investim mbi 150 milionë euro si dhe do të ketë mbi dy mijë të punësuar.

Automjetet elektrike së shpejti do të prodhohen në Tetovë të Maqedonisë së Veriut. Këtë do ta bëjë “e.GO Mobile”, që është kompani gjermane për prodhimin e automjeteve elektrike me seli në Gjermani dhe është në pronësi të familjes së Lazim Destanit.
Këtë të shtunë kjo kompani hodhi gurthemelin e fabrikës që do të ndërtohet në Zonën e Lirë në Tetovë.
Pronar i “e.GO Mobile” është djali i Lazim Destanit, Nazif Destani, që është edhe themelues dhe pronar i Ecolog International.
Ndërtimi i fabrikës në Tetovë kap investim mbi 150 milionë euro si dhe do të ketë mbi dy mijë të punësuar. Tashmë në Qeverinë e Maqedonisë së Veriut është miratuar dhe nënshkrimi i marrëveshjes mes “e.GO Mobile dhe Qeverisë, raporton Telegrafi, përcjell Albinfo.ch.
“e.GO” është prodhues i automjeteve elektrike inovative dhe zgjidhjeve të prodhimit. Filozofia e këtij prodhuesi është inovacioni me prakticitet dhe qëllim.
“e.GO Mobile” zhvillon platformë unike të automjeteve elektrike me bateri (e.) si dhe sistem prodhimi revolucionar që paraqet risi në prodhimin e automjeteve elektrike. Fillon me zgjedhjen e materialit të qëndrueshëm dhe të ripërdorshëm në produktet e veta deri te energjia e optimizuar dhe gjurmët mjedisore.
Duke përdorur teknologjinë e decentralizuar të prodhimit, mundëson krijimin e vlerës së shtuar ekonomike lokale duke angazhuar komunitetet, duke zhvilluar talent dhe duke siguruar burime në nivel lokal.
Produktet unike dhe shërbimet e “e.GO Mobile” janë krijuar për të ndihmuar qytetet dhe banorët e tyre të ndryshojnë për të mirë mënyrën se si lëvizin.
Kjo fabrikë në fazën e parë të punës do të prodhojë makina elektrike të vogla, ndërsa pastaj do të zgjerojë gamën e llojshmërisë së produkteve, përfshirë edhe autobusë elektrikë. Ndërtimi i fabrikës në Tetovë parashikohet të zgjasë rreth një vit e gjysmë./Albinfo.ch
E-Diaspora
-
Nëntë kompani të IT-së nga Kosova, në panairin “DMEXCO 2023” në Gjermani Mësohet se Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e...
-
Cyrih: Inxhinieri shqiptar, emër suksesi në kompaninë e njohur “Terra Vermessungen” AG
-
WORKSHOP PËR PËRGATITJEN E PENSIONIT
-
Francë: Regjisorja dhe aktorja shqiptare që përmes filmave i jep zë Kosovës
-
Gramoz Krasniqi, me aftësi të kufizuara, yll në skenat gjermane
Jeta në Austri
-
Ndryshojnë tarifat për vinjetën e automjeteve në Austri Njerëzve që lëvizin nëpër rrugët në Austri u është dashur të blejnë një vinjetë me pagesë...
-
Tenori Ismet Vejseli nga Kumanova shpërblehet në Vjenë me çmimin “Silver Award”
-
Vjenë: “Wien Energie” ul çmimet e rrymës dhe gazit – oferta vlen vetëm edhe sot, më 20 shtator
-
Donis Avdijaj shënon dy gola në kampionatin austriak
-
Përse produktet shqiptare nuk gjenden në marketet austriake?