Lajme
Cassis, “I huaji” i parë që bëhet president federal i Zvicrës
Cassis, është italian me prejardhje ndërsa shtetësinë zvicerane e ka fituar si 15 vjeçar. Pak kohë para se të zgjidhej, ai kishte hequr dorë nga shtetësia e dyfishtë
“Të huajt e natyralizuar në rastin e Cassis-it shohin se në Zvicër edhe personat si ata kanë shansin për të arritur deri në postin e këshilltarit federal. Ky është një sinjal i cili sot u është dërguar të huajve në Zvicër”. Kështu raportohej katër vite më parë, kur Ignazio Cassis ishte zgjedhur si njëri ndër 7 ministrat në Qeverinë Federale të Zvicrës.
Ndërsa tani, zgjehdja e tij në postin e presidentit federal, është vetëm rrjedhojë logjike e zgjedhjes së para 4 viteve, në qeveri. Kjo, për faktin se presidenti ndërrohet çdo vit dhe për atë post secilën herë zgjidhet njëri nga 7 ministrat.
Por të shohim sfondin e kësaj zgjedhjeje. Zgjedhja e Ignazio Cassis-it në Këshillin Federal, instancën më të lartë politike të Zvicrës dhe tani si president, përbën një precedent të veçantë, shkruan albinfo.ch. Ai është i pari që zë këtë post duke mos qenë zviceran për nga origjina por vetëm i natyralizuar.
Cassis, është italian me prejardhje ndërsa shtetësinë zvicerane e ka fituar vetëm si 15 vjeçar. Vetëm pak kohë para se të zgjidhej, ai kishte hequr dorë nga shtetësia e dyfishtë.
Deri tash nuk ka ndodhur asnjëherë që një person me prejardhje të huaj të arrijë të bëhet ministër (këshilltar federal. Janë shumë të rralla edhe rastet e zgjedhjes për deputet nacional të personave me prejardhje të huaj.
Nisur nga kjo, Cassis me zgjedhjen e tij përveç që pasqyron diversitetin gjuhësor të Zvicrës në organet federale, fut edhe precedentin e përmendur më lartë.
Të ngjashme
Të tjera nga Lajme
E-Diaspora
-
“FjalaFest”, festivali i letërsisë shqipe në Milano “FjalaFest” titullohet festivali i letërsisë shqipe që do të zhvillohet për herë të parë në Milano,...
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta