Tematike
Caktohet vendi i qendrës federale për azilkërkuesit problematikë
Bazuar në ligjin e rishikuar të azilit, qendrat speciale janë paraparë si vende për pranimin e azilkërkuesve të cilët e pengojnë rendin në qendrat federale të strehimit ose rrezikojnë sigurinë dhe rendin publik
Të martën është marrë vendimi për vendin ku do të ngrihet njëra nga dy qendrat speciale federale për azilkërkuesit problematikë. Këshilli Federal është përcaktuar për një truall në komunën Les Verrieres të Kantonit të Neuchatel-it, të cilin tashmë e ka blerë për këtë qëllim.
Në këtë qendër mendohet të strehohen deri në 60 azilkërkues për një periudhë kohore që nuk mund të jetë më e gjatë se 140 ditë.
Ende mbetet e paqartë se kur do të hapet kjo qendër. Së pari duhet të bëhet meremetimi i godinës ekzistuese, shkruajnë në një komunikatë të përbashkët Sekretariati Shtetëror për Migracion (SEM), Kantoni Neuchatel dhe komuna Les Verrieres.
Për të shmangur frikën eventuale që mund të kenë banorët lokalë nga hapja e kësaj qendre, autoritetet kanë vendosur ura komunikimi të rregullt me ta.
Bazuar në ligjin e rishikuar të azilit, qendrat speciale janë paraparë si vende për pranimin e azilkërkuesve të cilët e pengojnë rendin në qendrat federale të strehimit ose rrezikojnë sigurinë dhe rendin publik.
Dy qendra të tilla duhet të ngrihen në Zvicër, njëra, në Zvicrën frankofone (kjo në Les Verrieres) dhe një tjetër në Zvicrën gjermane, për të cilën ende nuk është caktuar vendi. Ai është duke u negociuar ende.
Në këto qendra, personeli kujdestar dhe ai i sigurisë do të jetë i përforcuar në mënyrë që të mundësohet një bashkëjetesë paqësore të të strehuarve me banorët lokalë. Qendrat do të kenë një mbikëqyrje më të madhe të hyrjeve dhe daljeve por ato megjithatë nuk janë të tipit të mbyllur.
Në vitin e parë të punës, në Les Verrieres do të mund të vendosen maksimalisht 20 persona. Më vonë, gradualisht do të rritet plotësimi i kapacitetit të qendrës deri në 60 persona të strehuar.
Siç dihet, ligji i rishikuar për azilin është votuar në shkallën prej 66.8% në referendumin e mbajtur më 5 qershor të këtij viti. Ky ligj në formën e tij të re parasheh që procedurat e azilit të kryhen nga fillimi deri në mbarim kryesisht në qendrat federale. Dhe në bazë të një plani nacional, qendrat federale të azilit duhet të ndahen sipas funksioneve të tyre specifike.
Të tjera nga Tematike
E-Diaspora
-
Spanjë: Vlerësohet shfaqja “Ëndrrat e Hamletit” e Mentor Zyberajt Mësohet se shfaqja “Ëndrrat e Hamletit”, me regji të Mentor Zyberajt ka marrë vlerësim të lartë...
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik