Bursa “Celebrating Diversity”

Festoje diversitetin kulturor në mes të Zvicrës dhe SHBA-së

A i takon ndonjë pakice? Ose a e mbështet në çfarëdo mënyre diversitetin në Zvicër? Atëherë apliko dhe kaloje një vit shkollor në një shkollë të lartë në SHBA, me një bursë prej 3800 frangash!Ambasada Amerikane në partneritet me YFU, këtë vit ndan dy bursa të veçanta, me çfarë e feston diversitetin e të dy vendeve. Vende të ndryshme të prejardhjes, religjione, grupe gjuhësh – këto i bëjnë SHBA-në dhe Zvicrën të denja për të jetuar në to dhe për t`i dashur ato. Promovimi i shkëmbimit në mes kulturave dhe në mes pakicave kulturore ose fetare, është synimi i bursës “Celebrating Diversity”.

A ke menduar ndonjëherë se si do të ishte që çdo mëngjes të zgjohesh në SHBA? Nëse je njeri kureshtar, që dëshiron të eksplorosh vende të reja dhe të zbulosh të panjohurat, nëse je i gatshëm të mësoh një gjuhë të re dhe të provosh mënyra të tjera të jetesës si dhe nëse je i hapur që të njohësh anë të reja brenda vetes dhe të vësh në pikëpytje në mënyrë kritike mënyrën tënde të kuptimit të botës, atëherë YFU, me një shkëmbim ndërkulturor të ofron një aventurë të llojit të veçantë.

Krahas njohjeve të reja të gjuhëve dhe një vetëbesimi të forcuar, ti do të fitosh edhe një shtëpi të dytë dhe do të zgjerosh horizontin tënd. Një qëndrim me karakter shkëmbimi kulturor është një përvojë për jetën dhe një investim në zhvillimin tënd personal.

YFU promovon mirëkuptimin ndërkulturor, respektin e ndërsjellë dhe përgjegjësinë shoqërore përmes shkëmbimit me orientim arsimues për të rinjtë, familjet, shkollat dhe komunitetet e tyre. Programet tona të shkëmbimit ndërkulturor përbëjnë një mjet unik për vënien në pikëpyetje të botëkuptimeve të bazuara mbi paragjykime.

Duke ndihmuar njerëzit e çdo moshe që botën ta bëjnë shtëpi të tyre, ne i mbështesim njëkohësisht ata që të mësojnë për të vlerësuar dallimet dhe ngjashmëritë e tyre kulturore. YFU mundëson bërjen e një hapi në rrugën që zgjat gjithë jetën, drejt mirëkuptimit ndërkombëtar. Në këtë kuptim, ne specializohemi prej dekadash për programe afatgjata (4 deri 11 muaj). Dhe kemi arsye për këtë: Integrimi në një ambient të ri, ballafaqimi i thelluar me një kulturë tjetër dhe reflektimi i proceseve personale të të mësuarit, kërkojnë kohë. Programet tona kanë parasysh këtë vetëdije. Si organizatë, ne përcjellim gjithë procesin e mësimit ndërkulturor, duke u mbështetur në përvojën e gjatë prej disa dekadash.
Ke pyetje? Na kontakto përmes: [email protected] ose 031 305 30 60 gjegjësisht [email protected] ose: 031 305 30 60
Për më tepër informacione: https://austausch.yfu.ch/diversity