Turizëm
Bum turistik në Evropë
Të gjitha vendet evropiane në pesë muajt e parë raportuan një rritje të madhe të numrit të turistëve, ka njoftuar Komisioni Evropian për udhëtime (European Travel Commission – ETC) me seli në Bruksel, transmeton albinfo.ch.
Në anketën e korrikut, sipas numrit të vizitave, Islanda është më e vizituara, gjë që këtë vit regjistroi 5.7 për qind më shumë turistë të huaj sesa në të njëjtën periudhë të vitit të kaluar.
Islanda, siç thonë ata nga ETC, është aktualisht destinacioni turistik më i vizituar në Evropë, rritja e vizitave turistike në këtë vend nordik është realizuar për të shtatin vit me radhë. Rreth një e katërta më shumë vizitave numërohen në Malin e Zi, përcjell albinfo.ch. Vizitat në Maltë janë rritur me 23 për qind, në Qipro me 18 për qind. Rritja në Finlandë u regjistrua gjithashtu me 18 për qind, ndërsa Portugalia, Serbia dhe Kroacia arritën rezultate jashtëzakonisht të mira të turizmit, ku rritja e vizitorëve të huaj ishte 15 për qind.
Ulje në vizitat turistike është regjistruar vetëm në Turqi, pasi që numri i vizitave nga mysafirët e huaj në pesë muajt e parë të këtij viti krahasuar me të njëjtën periudhë të vitit të kaluar është ulur me 8 për qind, kryesisht për shkak të situatës së pasigurt politike në vend.
Për shkak të forcimit të rritjes ekonomike në Evropë, rrjedha e turistëve ka vazhduar. Kështu, për shembull, turistët britanikë, gjermanë, francezë dhe italianë u janë kthyer vendeve në të cilat ata mund të përballojnë më shumë, si Bullgaria. Vendet ballkanike dhe baltike gjithashtu kishin një rritje të lartë të numrit të vizitave dhe netëve të shpenzuara nga turistët e huaj. Në pesë muajt e parë të këtij viti, vizitorët në Bullgari u rritën me 26 për qind, në Letoni me 23 për qind dhe në Poloni me 21 për qind.
Pavarësisht kërcënimeve nga sulmet terroriste, Evropa mbetet destinacioni më i sigurt turistik në shkallë globale.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?