Maqedonia
Bullgaria bllokon hapjen e negociatave të Maqedonisë së Veriut me BE-në
Është bërë e ditur se Bullgaria ka bllokuar hapjen e bisedimeve të pranimit të Maqedonisë së Veriut për shkak të një mosmarrëveshjeje dypalëshe mbi çështjet historike, konfirmoi të martën ministri gjerman i Çështjeve të BE-së, Michael Roth, transmeton albinfo.ch.
“Ata [Shkupi] kanë bërë tashmë shumë dhe ata kanë pretendimet e tyre. Ata duan të jenë pjesë e këtij komuniteti evropian. Ishte një rrugë e gjatë, e vështirë”, tha Roth, duke iu referuar faktit që Maqedonia e Veriut më parë ndryshoi emrin e vendit të saj për të përmbushur kërkesat e Greqisë.
Ndërkohë që edhe dje u tha shprehimisht se “Bullgaria ka në plan të kundërshtojë fillimin e bisedimeve të pranimit në BE me Maqedoninë Veriore, shtetin fqinje, pasi të dy vendet ende nuk kanë zgjidhur mosmarrëveshjet mbi historinë dhe gjuhën”, sipas një deklarate nga ministrja e Punëve të Jashtme e Bullgarisë, Ekaterina Zaharieva.
“Bullgaria i thotë “Jo” fillimit të negociatave, por nuk jemi duke i thënë “Jo” pranimit të Maqedonisë së Veriut në Bashkimin Evropian”, i tha Zaharieva.
Ajo tha se Maqedonia e Veriut nuk po sillet sipas Marrëveshjes së Miqësisë midis dy fqinjëve ballkanikë të nënshkruar më 2017 dhe se ka politika të bazuara në urrejtje ndaj Bullgarisë.
Sofja dëshiron që fqinji i saj të pranojë se kombi dhe gjuha e saj kanë rrënjë bullgare dhe dëshiron t’i japë fund retorikës antibullgare.
Mirëpo Shkupi thotë se identiteti dhe gjuha e tyre as nuk vihen në diskutim.
Me gjithë bisedimet në muajin e kaluar që përfshiu edhe Gjermaninë, e cila shpreson që negociatat me Maqedoninë e Veriut mund të fillojnë ndërkohë që Berlini ka presidencën e radhës të BE-së deri në fund të vitit, fqinjët e Ballkanit ende nuk kanë arritur një marrëveshje.
“Askush nuk po e konteston të drejtën e tyre për të vetëpërcaktuar kombin e tyre dhe ta quajnë gjuhën e tyre siç iu pëlqen. Por nuk mund të pajtohemi se kjo e drejtë do të bazohet në urrejtje, vjedhje të historisë dhe mohim të Bullgarisë”, tha Zaharieva.
Kryeministri i Maqedonisë së Veriut, Zoran Zaev, tha se ai ishte përgatitur për një veprim të tillë dhe kishte ende kohë deri në fund të dhjetorit për thirrjen e konferencës së parë ndërqeveritare për të filluar bisedimet e pranimit.
“Unë pres përgjegjësi, një shenjë miqësie nga pala bullgare”, tha Zaev.
Ministri i Punëve të Jashtme, Bujar Osmani, tha se Maqedonia e Veriut nuk ka asnjë alternativë tjetër veç agjendës evropiane, duke shtuar se ata do të vazhdojnë të flasin jo vetëm me Bullgarinë, por me të gjitha vendet anëtare.
Të ngjashme
Të tjera nga Maqedonia
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?