Buka e misrit, ja pse vlen kaq shumë për organizmin

Buka e misrit vlerësohet shumë për shkak të vlerave ushqyese të përbërësve të saj bazë.

Buka e misrit është e mirë, jo vetëm për shijen e lehtë që ka, por edhe për vlerat e panumërta ushqimore e mirëbërëse për organizmin e njeriut.

Buka e misrit është një thesar sa i përket vlerave të çmuara. Ajo përmban kalcium, hekur, magnez, fosfor, kalium, acid folik, vitamina, A, B-6 dhe B12.

Buka e misrit ndihmon në mbajtjen konstante në nivelit të kolesterolit në gjak, ndërsa ndihmon gjithashtu në uljen e nivelit të yndyrnave.

Ajo është një burim i vërtetë i vitaminave dhe proteinave, duke shërbyer pozitivisht për mirëfunksionimin e organizmin të njeriut./AgroWeb.org

Pse mbetet gjithmonë e kërkuar

Vërtet buka e misrit është një recetë e njohur tipike shqiptare, por shija e saj ndër vite ka magjepsur turistët e huaj që vizitojnë vendin tonë, nga alpet e ftohta deri në jugun e klimës së butë.

E ngrohtë, e thekur me djathë e shëllirë, me salcë të freskët kosi, me gjizë e vaj ulliri apo përshesh me gjel deti, buka e misrit është pjesë e padiskutueshme e ndër më të mirave që mund të ofrojë çdo restorant shqiptar në menunë e tij.