Bruksel: Luiza Duraki me post të ri, nënkryetare e komunës së Anderlechtit

Shqiptarja me origjinë nga Haraçina, Luiza Duraki në postin e nënkryetares së komunës Anderlecht

Shqiptarja me origjinë nga Haraçina, Luiza Duraki tani ka marrur një post të ri, si nënkryetare e komunës Anderlechtit, ndër komunat më të mëdha të Brukselit, transmeton albinfo.ch.

Luiza Duraki me prejardhje është nga Maqedonia e Veriut, më saktë nga Haraçina e Shkupit. Ajo në katër vitet e ardhshme do të jetë nënkryetare e komunës së mirënjohur Anderlecht në Bruksel.

“Sot kam bërë betimin si nënkryetare (Échevine) në Anderlecht”, kishte deklaruar Luiza në Facebook.

Në zgjedhjet e tetorit të vitit 2024, Luiza kishte bërë thirrje për mbështetje rreth kandidaturës së saj dhe partisë që përfaqëson.

Ajo kishte premtuar se do luftoj për përmirësimin ekornizës dhe kushteve të jetesës për banorët e Anderlechtit.

“Ne jemi të përkushtuar të vazhdojmë të transformojmë komunën tonë në një vend ku është mirë të jetosh, dhe kjo kalon përmes vendosjes së iniciativave konkrete si pastërtia në lagjet tona por gjithashtu forcimi i policisë së afërt.

Unë do të jem në vendin e katërt në listën PS-Vooruit+ të udhëhequr nga kryetari ynë i komunës, Fabrice Cumps. Për të realizuar këto objektiva dhe për të sjellë ndryshime pozitive në komunitetin tonë, kam nevojë akoma për mbështetjen tuaj të çmuar.”, kishte theksuar ajo.

---