Brigitte Bardot me jelekverdhët: “Mos u dorëzoni”!

Gjatë një vizite të papritur në një takim në Shën Aygulf (F), ish-aktorja ripohoi mbështetjen e saj për protestuesit

Të dielën e kaluar, një tubim i xhaketave të verdha u zhvillua në një hotel në Saint-Aygulf, Var (F).

Gjatë tubimit, papritmas u shfaq një mysafire e njohur, për befasinë e pjesëmarrësve: Brigitte Bardot, e veshur me një jelek të verdhë, erdhi t’i mbështeste ata. “Mos u dorëzoni! Mos u dorëzoni! Unë ju mbështes, tërësisht, tërësisht”, iu është drejtuar përmes mikrofonit, ikona e kinematografisë franceze protestuesve, informon Albinfo.ch.

Përderisa aktorja e mëparshme qëndroi vetëm disa minuta, ajo ende gjeti kohë për t’iu përgjigjur disa pyetjeve para kamerave të “France 3 Provence-Alpes Côte d’Azur”: “Ata kanë nevojë për mbështetje. Ata duhet ta dinë se shumë francezë i admirojnë, për shkak se janë shumë të guximshëm”, tha ajo për të shpjeguar praninë e saj në këtë ngjarje.

Sa për rikujtim, kjo nuk është hera e parë që Brigitte Bardot ka treguar mbështetjen e saj për lëvizjen e xhaketave të verdha. Nëntorin e kaluar, ajo kishte postuar në Twitter një foto të saj duke veshur jelekun e famshëm. “Me ju”, kishte shkruar në përshkrim.

---