Lajme
BQE: Rritja e inflacionit, më e lartë se parashikimet
Inflacioni në zonën Euro nuk ka arritur ende pikun dhe rrezikon që të rritet më shumë se parashikimet, ka paralajmëruar presidentja e Bankës Qendrore Evropiane.
Komentet e Christine Lagarde kanë lënë të kuptohet për një rritje të mundshme të normave të interesit në të ardhmen, që shton spekulimet se banka nuk do të ndjekë një qasje të moderuar për të luftuar inflacionin.
Rritja e çmimeve të produkteve dhe shërbimeve në 19 vendet që përdorin monedhën e përbashkët preku rekordin prej 10.6 për qind në bazë vjetore muajin e kaluar, edhe pse ekonomistët besojnë se ai do të përkulet në 10.4% në nëntor.
Rritja e çmimeve të energjisë si pasojë e luftës në Ukrainë ka qenë burimi kyç i rritjes së inflacionit, që depërtoi në gjithë ekonominë, duke prekur koston e thuajse çdo produkti.
Lagarde sfidoi parashikimet se piku i rritjes së çmimeve është arritur. “Nuk kemi elementë që të na bëjnë të besojmë se kemi arritur pikun e inflacionit dhe se së shpejti do të nisë rënia e tij”, tha Lagarde në Parlamentin Evropian.
Ndërkohë, ekonomistë të pyetur nga agjencia e lajmeve “Reuters” parashikojnë se inflacioni në Eurozonë do të arrijë në 8.5% këtë vit, 6% vitin e ardhshëm dhe 2.3 për qind në 2024-n, përpara se të arrijë objektivin e BQE prej 2% në 2025-n.
Nga ana tjetër, pasiguria nëse Banka do të rrisë normat e interesit me 0.5 ose 0.75 për qind në takimin e ardhshëm që mbahet në fund të vitit ka shkaktuar destabilizimin e tregjeve./Reuters
Të tjera nga Lajme
E-Diaspora
-
Mitrovicasi Semir Aliti nënshkroi kontratë me ekipin holandez, PSV Ky është “Iniesta i Mitrovicës” që ka nënshkruar kontratë me PSV-në...
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl