Borchardt: Duhet bashkëpunim rajonal për ekstremizmin e dhunshëm

“Masat e drejtuara nga shteti, nuk janë kurrë të mjaftueshme për t’iu kundërvënë me efektivitet ekstremizmit të dhunshëm në shoqëri”, ka thënë ai në një tryezë të organizuar nga shoqëria civile në Tiranë.

Ambasadori i OSBE-së në Shqipëri, Bernd Borchardt, ka kërkuar bashkëpunim më të madh nga vendet e rajonit për ta luftuar ekstremizmin e dhunshëm.

“Masat e drejtuara nga shteti, nuk janë kurrë të mjaftueshme për t’iu kundërvënë me efektivitet ekstremizmit të dhunshëm në shoqëri”, ka thënë ai në një tryezë të organizuar nga shoqëria civile në Tiranë.

Ekstremizmi i dhunshëm si një fenomen global, sipas tij, kërkon jo vetëm në nivel rajonal por edhe ndërmjet aktorëve shtetërorë dhe jo shtetërorë. Ndërsa Zv.ministrja e Brendshme, Romina Kuko, e vuri theksin tek instrumentat parandalues të ekstremizmit të dhunshëm.

“Nëse çështja mbërrin në dyert e agjencive ligjzbatuese atëherë ne jemi shumë vonë. Lufta e vërtetë ndaj këtij fenomeni është parandalimi”, theksoi ajp. Janë rreth 82 organizata të shoqërisë civile, të cilat kanë përfituar mbështetjen e OSBE-së dhe janë angazhuar në fushata kundër ekstremizmit të dhunshëm.

 

---