Bllokohet trafiku ajror në Gjermani, greva shkakton “tollovi” në aeroporte

(KEYSTONE/Martial Trezzini)

Sindikatat në Gjermani kanë vendosur që sot dhe nesër të mbajnë grevë, duke bllokuar edhe fluturimet në tri aeroportet gjermane, përcjell albinfo.ch.

Kjo ka shkaktuar “tollovi” në aeoporte dhe pakënaqësi nga pasagjerët e tyre.

Pasagjerët shprehen se ata janë thjesht viktim e politikave drejtuese.

Shumë prej tyre kanë mbetur të bllokuar në aeroporte duke pritur për fluturim të mundshëm në destinacionin e tyre.

Sindikata Verdi u bëri thirrje punëtorëve të zonave të sigurisë në aeroportet e Dyseldorfit, Këln/Bonnit dhe Hamburgut të bëjnë grevë më 20 dhe 21 prill.

Sindikata gjermane Verdi bëri thirrje për greva paralajmëruese gjithëditore të enjten dhe të premten (më 20 dhe 21 prill) për punonjësit e sigurisë në aeroportet e Dyseldorfit, Hamburgut dhe Këlnit/Bonnit, njofton DW.

“Greva filloi natën e së enjtes dhe përfundon natën nga e premtja në të shtunë”, tha sindikata Verdi.

Sektorët që do të preken përfshijnë zonën e kontrolleve të sigurisë së aviacionit, kontrollin e pasagjerëve, kontrollin dhe shërbimin e personelit dhe mallrave. Në aeroporte priten kohë më të gjata pritjeje apo edhe anulime fluturimesh për shkak të grevës”, paralajmëroi sindikata.

Zëdhënësi i aeroportit të Hamburgut tha se të enjten dhe të premten të gjitha nisjet do të anulohen ose do të kryhen pa pasagjerë. Ai shtoi se nga greva mund të preken rreth 80,000 pasagjerë që. Po ashtu as mbërritjet nuk do të jenë të mundshme, tha ai. /Albinfo.ch