Bllokohet kufiri Kosovë-Maqedoni, pas rrahjes brutale të 3 kosovarëve

Dhjetëra banorë të Hanit të Elezit kanë protestuar para pak çastesh në pikën kufitare Kosovë-Maqedoni Veriore. Ata kanë bllokuar për disa çaste këtë kalim kufitar.

Kjo protestë u organizua nga tifozët e kësaj komune pas rrahjes dhe sulmit nga huliganët maqedonas (komitët) ndaj 3 banorëve të kësaj ane, raportojnë mediat kosovare, përcjell albinfo.ch.

“Ne nuk mund të jemi të barabartë, sepse ne nuk kemi krizë identiteti dhe asgjë nuk mund të na ndalojë lëvizjen e lirë në shtetin fqinj. Kur ishte koha për të treguar forcë, e treguam dhe e gjithë bota e di kush doli fitimtar”, ishte thirrja e organizatorëve.

Ndryshe, tre të rinjtë nga Hani i Elezit të dielën u rrahën brutalisht nga tifozët maqedonas “Komiti”, e kanë paraqitur sot rastin në Ministrinë e Brendshme në Shkup.