Tematike
Bie shuma e ndihmave emergjente që Zvicra jep për azilkërkuesit
Ndihma emergjente marrin azilkërkuesit me status të refuzuar azili, në periudhën deri në udhëtimin e tyre nga Zvicra
Azilkërkuesit të cilëve gjatë vitit të kaluar u është hedhur poshtë kërkesa për azil, kanë marrë më pak ndihma emergjente se viteve të kaluara.
Sipas një komunikate të lëshuar nga Sekretariati Shtetëror për Migracion (SEM), këtë lloj ndihme e kanë shfrytëzuar rreth 7800 veta, që është për 8 për qind më pak se një vit më parë. Shprehur me shifra, shpenzimet për këtë destinim kanë shënuar ulje prej gjysmë milioni franga, duke rënë në 63 milionë franga.
Mesatarisht, një person i kësaj kategorie ka marrë ndihma prej 52 frangash në ditë, shkruan albinfo.ch. Në fakt, kaq i ka kushtuar shtetit mbulimi i shpenzimeve për një person në ditë.
Ndihma emergjente marrin azilkërkuesit me status të refuzuar azili, në periudhën deri në udhëtimin e tyre nga Zvicra. Këto para janë të parapara për strehim, ushqim dhe përkujdesje shëndetësore.
35 % të shfrytëzuesve të ndihmave emergjente gjatë vitit 2018 vijnë nag Eritrea, Etiopia, Algjeria, Gjeorgjia dhe Iraku. Fakti se jetësimi i kthimit të azilkërkuesve në këto vende shpeshherë paraqitet i vështirë, ndikon edhe në kohëzgjatjen e shfrytëzimit të ndihmave nga njerëzit me këtë prejardhje.
Mesatarja e periudhës së shfrytëzimit të ndihmave emergjente gjatë vitit 2018 ka qenë 145 ditë për person dhe është rritur për 8 ditë në krahasim me vitin paraprak.
Që nga ndërprerja e ndihmave sociale për këtë kategori azilkërkuesish, në vitin 2008, federata u jep në dispozicion kantoneve nga një paushall prej 6073 frangash për çdo azilkërkues me kërkesë të refuzuar azili. Kompensimi i tillë nga federata, në vitin 2018 ka rënë në 48 milionë franga, që nënkupton një ulje prej 9 për qind.
Të ngjashme
Të tjera nga Tematike
E-Diaspora
-
Gjestila Mehmetaj, një model frymëzimi për rininë shqiptare në mërgim Gjestila Mehmetaj vazhdon të jetë një model frymëzimi për komunitetin shqiptar dhe për ata që kanë...
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë