Biden sot do të nënshkruajë 15 veprime për të adresuar ‘krizat’ e SHBA-së

(KEYSTONE/AP Photo/Matt Rourke)

Joe Biden do të nënshkruajë 15 veprime ekzekutive pasi të jetë betuar si president i SHBA-së të mërkurën, thanë ndihmësit, duke prishur politikat e vendosura nga Presidenti në largim, Donald Trump dhe duke bërë lëvizjet e tij të para mbi pandeminë dhe ndryshimin e klimës.

Për të adresuar “krizat” e pandemisë, ekonomisë, ndryshimit të klimës dhe pabarazisë racore, Biden do të nënshkruajë urdhërat ekzekutivë dhe memorandumet pasdite dhe do t’u kërkojë agjencive të ndërmarrin hapa në dy fusha të tjera, tha sekretari i ardhshëm i shtypit, Jen Psaki.

Biden do të fillojë procesin e rihyrjes në marrëveshjen e klimës së Parisit dhe do të lëshojë një urdhër gjithëpërfshirës për të trajtuar ndryshimin e klimës. Midis një mori urdhërash që adresojnë imigracionin, Biden do të revokojë deklaratën e emergjencës së Trump që ndihmoi në financimin e ndërtimit të një muri kufitar dhe t’i japë fund ndalimit të udhëtimit në disa vende me shumicë myslimane.

“Në ditët dhe javët e ardhshme ne do të shpallim veprime shtesë ekzekutive që përballen me këto sfida dhe do të përmbushim premtimet e Presidentit të zgjedhur për popullin amerikan”, tha Psaki, shkruan “Reuters”, përcjell albinfo.ch.