Berset i bën thirrje ekonomisë: “Na ndihmo të ecim përpara me vaksinimin”

Ka sektorë të caktuar që tani po luftojnë kundër certifikatës së Covid-19, është shprehur Berset, në evnd që t`i angazhojnë energjitë e tyre për vaksinim

Ministri i Shëndetësisë Alain Berset i bën thirrje ekonomisë zvicerane të përfshihet edhe ajo më shumë në fushatën e vazhdueshme të vaksinimit kundër koronavirusit. Ende ka shumë vend për përmirësim në këtë drfejtim ka thënë Berset në një intervistë me “SonntagsBlick”.

Kompanitë, klubet sportive, qendrat e fitnesit dhe organizatat kulturore që kanë vuajtur aq keq nga pandemia e koronës duhet të kenë një interes për të siguruar që tëm vaksinohen sa më shumë njerëz që të jetë e mundur, ka shtuar ai.

Ka sektorë të caktuar që tani po luftojnë kundër certifikatës së Covid-19, është shprehur Berset.

“Investoni këtë energji për të na çuar përpara në procesin e vaksinimit” u është drejtuar Berset kompanive dhe organizatave, trasnmeton albinfo.ch.

Ekonomia mund të bëjë punë në bindjen dhe edukimin e masave, për të bërë të njohura ofertat e vaksinimit.

Po ashtu, sipas tij, kompanitë mund të krijojnë oferta në mënyrë që punonjësit në kompanitë përkatëse të mund të vaksinohen.

Dhe ato mund të sigurojnë që testet e vazhdueshme të ndihmojnë në kontrollin më të mirë të pandemisë.

Berset ka shprehur keqardhje që shkalla e vaksinimit në Zvicër është më e ulët se në vendet përreth. Shkalla është qartë shumë e ulët në kontekstin e variantit shumë ngjitës, “Delta”. Kjo nuk është mirë. Zvicra ka zgjedhur një rrugë pa vaksinim të detyrueshëm dhe bazohet në informacion. Një fushatë e re do të fillojë javën e ardhshme.

Ministri i shëndetësisë ka thënë titje se situata epidemiologjike në Zvicër mund të ishte më e mirë, përcjell albinbfo.ch. Nuk mund të thuhet nga perspektiva e sotme nëse gjërat do të shkojnë mirë në vjeshtë ose jo. Ajo që duhet të ndodhë është që Qeveria Federale dhe kantonet duhet të bashkohen. Kjo është thirrja që bën ai.

---