Lajme
BE kërkon përgjigje me shkrim nga Zvicra për të çuar përpara bisedimet
Bashkimi Evropian i ka kërkuar Zvicrës të dërgojë përgjigje me shkrim për një sërë pyetjesh të hapura, pasi bisedimet duken të paafta për të zgjidhur ngërçin aktual politik dhe për të çuar përpara negociatat për marrëveshjet individuale, transmeton albinfo.ch.
Sipas transmetuesit publik zviceran SRF, qasja e Zvicrës për të negociuar marrëveshje të veçanta me Komisionin e BE-së po përballet me skepticizëm të madh nga blloku 27-anëtarësh.
Javën e kaluar, kryenegociatorja e Zvicrës, Livia Leu, u takua me Juraj Nociar të Komisionit Evropian për të çuar përpara diskutimin në një përpjekje për të kapërcyer ngërçin aktual midis Brukselit dhe Bernës, pasi zviceranët hoqën dorë nga një marrëveshje kornizë gjithëpërfshirëse që rregullonte lidhjet afatgjata pothuajse saktësisht një vit më parë. Ky traktat do të kishte zëvendësuar më shumë se 120 marrëveshje dypalëshe që kanë rregulluar marrëdhëniet gjatë dekadave të fundit.
Zvicra tani është e detyruar të negociojë çdo marrëveshje në baza individuale. Disa nga çështjet e hapura përfshijnë rolin e Gjykatës Evropiane të Drejtësisë, miratimin dinamik të ligjeve të BE-së, rregullat për ndihmën shtetërore dhe lëvizjen e lirë të njerëzve. Pavarësisht bisedimeve, BE-ja ende nuk ka një pasqyrë të qartë të zgjidhjeve konkrete që propozohen nga Zvicra.
Komisioni Evropian tha se i kishte dërguar një letër qeverisë zvicerane, duke kërkuar një përgjigje me shkrim për pyetjet e hapura. Vetëm pasi të jepen këto përgjigje, blloku i BE-së mund të vlerësojë nëse propozimet e qeverisë zvicerane ofrojnë një bazë për negociata të mëtejshme për marrëveshje të veçanta sektoriale, transmeton tutje albinfo.ch.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë