Lajme
BE-ja pret të vaksinojë 70% të të rriturve deri në qershor
Ursula von der Leyen: "Përmbushja e qëllimit prej 70 për qind, brenda katër muajve, të ardhshëm mund të jetë "një pikë kthese në luftën tonë kundër virusit"
Bashkimi Evropian po synon të vaksinojë kundër koronavirusit 70 për qind të popullsisë së rritur deri në qershor, ka thënë zëvendëspresidenti i Komisionit Evropian, Margaritis Schinas, të martën në një konferencë për media. Plani është dakorduar nga të gjithë komisionarët e BE-së.
BE ka filluar vaksinimin tri javë më parë dhe deri më tani ka miratuar dy vaksina: nga BioNTech/Pfizer dhe atë të kompanisë Moderna, shkruan Radio Evropa e Lirë. Por, ritmi i vaksinimit po zvarritet kështu që BE në këtë aspekt qëndron pas vendeve të tilla si SHBA-ja, Britania e Madhe, Izraeli dhe Emiratet e Bashkuara Arabe.
Komisionarja e Shëndetësisë, Stella Kyriakides është shprehur se mbështetur në strategjinë e blerjes së përbashkët të BE-së, do të ketë doza të mjaftueshme për të vaksinuar 80 për qind të popullsisë së BE-së prej 450 milionësh.
Ajo pranoi, megjithatë, se “procesi i vaksinimit duhet të përshpejtohet”.
Ndërsa zëvendëspresidenti i Komisionit Evropian, Margaritis Schinas tha se “deri në verë, vendet anëtare duhet të kenë vaksinuar një minimum prej 70 për qind të popullsisë së rritur”. Ai tha se kjo duhet të ndodhë para 1 qershorit.
Shefja e Komisionit Evropian, Ursula von der Leyen, ka deklaruar se përmbushja e qëllimit prej 70 për qind, brenda katër muajve, të ardhshëm mund të jetë “një pikë kthese në luftën tonë kundër këtij virusi”.
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?