Lajme

BE-ja do të blejë 1,8 miliardë vaksina BioNTech/Pfizer

E shtunë, 8 Maj 2021 - 14:40 albinfo.ch
HakanGERMAN

Në një njoftim të fundit, Komisioni Europian ka arritur një marrëveshje me prodhuesin e vaksinave Covid-19 BioNTech/Pfizer për të blerë deri në 1,8 miliardë doza shtesë për disa vjetët e ardhshme, njoftoi sot presidentja Ursula von der Leyen, përcjell albinfo.ch.

“E gëzuar për të njoftuar se [Komisioni Europian] sapo ka miratuar një kontratë për 900 milionë doza të garantuara”, shkroi von der Leyen në Twitter, raporton ATSH.

Marrëveshja gjithashtu lejon shtetet e BE-së të blejnë edhe 900 milionë doza të tjera, sipas zyrtares së lartë të BE-së.

“Kontrata të tjera dhe teknologji të tjera të vaksinave do të ndjekin”, shkroi ajo.

Ekzekutivi i BE-së njoftoi më 14 prill se negociatat mbi kontratën ishin duke u zhvilluar.

 Të ngjashme

Austriaku Menasse fiton Çmimi Evropian të Letërsisë për romanin me temë Shqipërinë

 Të tjera nga Lajme

Alarm nga shkencëtarët: Infertiliteti tek gratë pritet të rritet me 50% deri në vitin 2036

 E-Diaspora

 Jeta në Austri