Shqiperia
BE i vendos Shqipërisë 15 kushte për të hapur negociatat për anëtarësim
Komisioni i Jashtëm i Parlamentit Evropian ka miratuar këtë të enjte raportin për progresin e Shqipërisë drejt Bashkimit Europian, ndërsa theksi vihet tek përmbushjen e 15 kushteve për çeljen e negociatave.
Raporti fillestar i raportueses për Shqipërinë në Parlamentin Europian, Isabel Santos, iu nënshtrua amendimeve nga bashkëraporteri suedez, David Lega, e kolegë të tjerë, raporton Euronews, përcjell Albinfo.ch.
Amendamentet, të cilat u miratuan sot, u propozuan nga Asambleja Politike e Partive Popullore Europiane, partitë simotra të Partisë Demokratike.
Ata vënë theksin te shqetësimi dhe akuzat për fenomenin e shit-blerjes së votave, ku sqarohet se ndjekja penale e përgjegjësve është një ndër kushtet kryesore, të cilat janë diktuar edhe nga Këshilli i Evropës gjatë marsit 2020.
“Ngre shqetësimin për akuzat e blerjes së votës dhe thekson se ndjekja penale për këtë çështje është ndër kushtet e vendosura nga Këshilli në 25 mars 2020”, thuhet në amendament.
Krahas vlerësimit për marrëveshjen e 5 qershorit të 2020, kritikat nuk kursehen për hapat e mëtejshme që u ndërmorën nga ana e mazhorancës, e cila pavarësisht thirrjeve për të pritur rekomandimet e Komisionit të Venecias zgjodhi të kalojë ndryshimet kushtetuese të Kodit Zgjedhor pa arritur të krijojë një konsensus të gjerë partiak.
“Mirëpret rezultatin pozitiv të marrëveshjes së 5 qershorit 2020, i cili zbatoi disa nga rekomandimet e OSBE / ODIHR, por vë në dukje dështimin për t’u mbështetur më tej në të dhe faktin se pavarësisht thirrjeve të përsëritura ndërkombëtare për të pritur opinionin e Komisionit të Venecias, hapat e mëtejshëm u morën pa një konsensus të gjerë ndërpartiak që rezulton në miratimin e ndryshimeve të diskutueshme të Kodit Zgjedhor në tetor 2020 nga Parlamenti Shqiptar”, theksohet më tej.
Po ashtu, në Shqipëri shihet me shqetësim problemi i pastrimit të parave në sektorin e ndërtimit dhe në pasuri të patundshme.
Raporti vlerëson progresin e deritanishëm në zbatimin e reformës në drejtësi, ndërkohë kërkohet të arrihen ndryshime të prekshme drejt një sistemi gjyqësori funksional dhe të pavarur, si një parakusht për mbajtjen e Konferencës së Parë Ndërqeveritare.
Të tjera nga Shqiperia
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte