Lajme
BBC pezullon punën në Rusi
Më herët, Kremlini akuzoi BBC-në se ka luajtur një “rol të vendosur në minimin e stabilitetit dhe sigurisë ruse”.
Organizatat e medias perëndimore po pezullojnë operacionet e tyre në Rusi,, pas goditjes së Moskës ndaj mediave të huaja.
Presidenti rus, Vladimir Putin, nënshkroi një ligj të ri në fuqi të premten që do të thotë se do të vendosen gjoba të rënda dhe deri në 15 vjet burgim për përhapjen e informacionit të rremë në lidhje me forcat e armatosura të vendit.
Drejtori i përgjithshëm i BBC-së, Tim Davie, tha se ligji i ri “duket se kriminalizon procesin e gazetarisë së pavarur” në Rusi.
Davie tha se BBC nuk kishte “zgjidhje tjetër” përveçse të pezullonte përkohësisht punën e gazetarëve dhe stafit mbështetës brenda Rusisë.
“Siguria e stafit tonë është parësore dhe ne nuk jemi të përgatitur t’i ekspozojmë ata ndaj rrezikut të ndjekjes penale, thjesht për shkak të kryerjes së detyrave të tyre. Unë do të doja t’u bëja homazhe të gjithëve, për guximin, vendosmërinë dhe profesionalizmin e tyre”, tha ai.
“Ne mbetemi të përkushtuar për të vënë në dispozicion informacione të sakta dhe të pavarura për audiencën në mbarë botën, duke përfshirë miliona rusë që përdorin shërbimet tona të lajmeve. Gazetarët tanë në Ukrainë dhe në mbarë botën do të vazhdojnë të raportojnë për pushtimin e Ukrainës”, shtoi ai.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë