Integrimi
Bashkim Dyla menaxhon energjinë e 1,800 objekteve në Zvicër
Bashkimi është i certifikuar nga shteti i Zvicrës si ekspert për analiza të ndryshme të energjisë efiçente
Bashkim Dyla sot është inxhinier i energjisë shumë i respektuar në Bazel të Zvicrës.
Ai ka ardhur me një rrëfim interesant për emisionin “Histori Suksesi” në RTV Dukagjinin, për punën që bën në shtetin Helvetik.
Bashkimi ka lindur dhe është rritur në Gjakovë. Aty ka marrë edhe bazën e arsimimit të tij. Studimet për inxhinieri i ka mbaruar në Universitetin e Prishtinës.
Fati ka dashur që ai me familje të emigrojë në Zvicër ku edhe ka vazhduar studimet post diplomike, përcjell albinfo.ch.
Sot ai si profesionist, inxhinier i energjisë është menaxher i 1,800 objekteve të ndryshme si shkolla, spitale, teatro etj.
Bashkimi është i certifikuar nga shteti i Zvicrës si ekspert për analiza të ndryshme të energjisë efiçente.
Inxhinieri shqiptar tregon se në Zvicër për të ndërtuar shtëpi, duhet të bëhet izolim i jashtëm i saj me materiale jo më pak se 20 cm trashësi.
“Po ashtu nëse ndërton shtëpi, një pjesë e rrymës duhet të prodhohet vet. Po ashtu nuk guxon që shtëpia të jetë e ndërtuar me më tepër se 50 xham, për shkak se xhami konsumon energji më shumë se muret”, tregon ai, përcjell Telegrafi.
Dyla ndër të tjera në këtë emision ka treguar edhe për llojet e energjisë të cilat janë të lejuara për ngrohje në Zvicër. Ai përmend edhe drurin si masë e lejueshme për ngrohje pasi siç tregon “druri edhe nëse kalbet, liron sasi të njëjtë të dioksidit të karbonit sikurse që digjet”.
Inxhinieri thotë se në Kosovë të gjitha trendet botërore përcillen me përpikëri, si restorantet, makinat etj., por sipas tij “trendi më i rëndësishëm që është ndërtimi i banesave dhe izolimi i tyre, nuk përcillet pothuajse aspak”.
Të ngjashme
Të tjera nga Integrimi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?