Sport

Basha me skuadër të re

E diel, 17 Korrik 2016 - 17:16 albinfo.ch

Mesfushori shqiptar, Vullnet Basha është bërë me skuadër të re. Pasi kishte mbetur lojtarë i lirë për rreth dy muaj, Basha tani ka vendosur të nënshkruajë një kontratë të re në Spanjë, shkruan albinfo.ch.

26-vjeçari u nda me ish-skuadrën e tij Ponferradina për t’iu bashkuar UCAM Murcias. Edhe këtë edicion Basha do të jetë në Segunda Division. Basha ka tri vite që është në Spanjë, pasi më parë ka luajtur edhe tek Real Zaragoza.

Atë e kërkoi edhe Partizani i Shqipërisë, megjithatë, vendosi që karrierën ta vazhdojë në Spanjë. Më parë 26-vjeçari ka bërë karrierë në Zvicër te skuadrat si Laussane, Grasshopper, Xamax dhe Sion.