Lajme
Banka Evropiane ‘godet’ kriptovalutat
Vlera e të gjithë kriptovalutave ka rënë gjatë këtij viti, duke filluar nga “bitcoin” i cili është më i madhi në botë – i cili humbi më shumë se gjysmën e vlerës së tij që nga niveli më i lartë i arritur në nëtor të vitit të kaluar.
Presidentja e Bankës Qendrore Evropiane, Christine Lagarde, në një intervistë të dhënë së fundmi për emisionin holandez “Collage Tour” ka shprehur mendimin e saj sa u përket kriptovalutave.
“Vlerësimi im shumë i sinqertë është se nuk vlejnë asgjë”, u shpreh Lagarde.
Madje, ajo shtoi duke thënë se ato nuk bazohen në asgjë dhe nuk kanë asnjë aset themelor që të veprojnë si një spirancë sigurie”.
Lagarde u bëri thirrje politikëbërësve globalë që të vendosin rregulla për të mbrojtur investitorët e papërvojë që bëjnë baste të mëdha në asetet digjitale.
“Jam e shqetësuar për ata njerëz që mendojnë se do të jetë një shpërblim, që nuk i kuptojnë rreziqet, që do t’i humbasin të gjitha dhe që do të zhgënjehen tmerrësisht, prandaj besoj se kjo duhet të rregullohet”, tha Lagarde, shkruan CNBC.
Një anëtar i audiencës së shfaqjes “Collage Tour” tha se ka humbur shtatë mijë euro pasi ka blerë “Cardanon”, e që shefja e Bankës Europiane u përgjigj duke thënë: “Kjo dhemb”.
Skepticizmi i ish-shefes të Fondit Monetar Ndërkombëtar ndaj kriptovalutave nuk është i ri. Pasi që ajo ka ngritur më parë shqetësime për ndikimin mjedisor të monedhave digjitale, si dhe për përdorimin e tyre të mundshëm në pastrimin e parave dhe evazionin e sanksioneve.
Komentet e fundit nga ajo kanë ardhur në një kohë kur është shtuar kontrolli i tregut të kriptove, pasi rregullatorët reaguan ndaj pasojave nga rënia e terraUSD, një i ashtuquajtur “stablecoin” i diskutueshëm që ishte menduar të kishte gjithmonë vlerën 1 dollar.
Disa banka qendrore po punojnë për alternativat e tyre virtuale ndaj parave të gatshme në përgjigje të rritjes së shpejtë të monedhave digjitale, një prej tyre është edhe BQE.
“Një euro digjitale do të ndryshe nga kriptovalutat private, tha Lagarde.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?