Ballkani të shërbejë si kështjellë kundër emigrantëve ilegalë, nuk përmendet fjala ‘zgjerim’

“Për europianet juglindorë samiti i Sofjes ishte zhgënjyes, sepse asnjëherë nuk u përmend fjala zgjerim. Për disa kritikë të zgjerimit europian, takimi me partnerët ballkanikë do të shërbejë vetëm në çështjet e sigurisë.

foto: adelheid wölfl

Në Samitin e Sofjes është nënshkruar një marrëveshje rreth emigrantëve mes shteteve të BE dhe vendeve të Ballkanit Perëndimor, mëson “Der Standard”. Marrëveshja mbi të gjitha ka si synim që ta kthejë Ballkanin si një Kështjellë kundrejt emigrantëve dhe se forcat europiane kanë të drejtë të patrullojnë kufijtë ballkanikë dhe të kërkojnë letërnjoftimet e banorëve.

“Për europianet juglindorë samiti i Sofjes ishte zhgënjyes, sepse asnjëherë nuk u përmend fjala zgjerim. Për disa kritikë të zgjerimit europian, takimi me partnerët ballkanikë do të shërbejë vetëm në çështjet e sigurisë, përcjell albinfo.ch. Mes tjerash Bosnja ka rënë dakort që të kthejë mbrapsht nga kufiri gjithë emigrantët ilegalë.

Më tej, media austriake shkruan se BE frikësohet nga propaganda e ndikimit rus dhe turk dhe kërkon nga vendet e Ballkanit Perëndimorë që të bashkëpunojnë në këtë drejtim.

Shtetet kundra zgjerimit

“Disa shtete të Ballkanit janë viktima të imazhit dhe reputacionit të tyre,” tha komisioneri i zgjerimi Johanes Hahn. Shtete të cilat janë kritikë ndaj zgjerimit, krahas Gjermanisë, Danimarkës, Hollandës është edhe Franca.

Në fund ‘Der Standard’ shkruan se Shkupi dhe Athina kanë një opsion për të zgjidhur kontestin e emrit dhe se marrëveshje e mundur duhet të bekohet nga presidenti dhe parlamenti. Frika ekziston nga opozitat nacionaliste të të dyja vendeve që mund ta përdorin rastin.