BAG raporton 25,134 infeksione të reja, 50% më shumë se javën e kaluar

Aktualisht janë 31 pacientë me Covid-19 në terapi intensive ose 22 për qind më pak krahasuar me javën e kaluar

Zyra Federale e Shëndetit Publik ka raportuar sot 25,134 raste të reja që, gjatë javës së fundit, kanë rezultuar pozitive për virusin korona.

Kjo e vendos mesataren 7-ditore në 3366 që është 50 për qind më shumë se në javën e kaluar, transmeton albinfo.ch. Në trendin aktual, mesatarja 7-ditore e infeksioneve të reja dyfishohet afërsisht çdo 12 ditë. Incidenca 14-ditore është aktualisht 390.52.

BAG raporton 290 pranime të reja në spital, mesatarja 14-ditore e të cilave është 28 në ditë. Aktualisht 887 persona po trajtohen në spitale për Covid-19. Kjo është 46 për qind më shumë se në javën e kaluar.

Aktualisht janë 31 pacientë me Covid-19 në terapi intensive ose 22 për qind më pak krahasuar me javën e kaluar.

BAG raporton 13 raste të reja të vdekjes nga koronavirusi.

---