Koronavirusi: çast pas çasti
BAG: Mos përdorni Ibuprufen për uljen e temperaturës!
Medikamentet që përmbajnë ibuprufen janë: Algifor, Dismenol, Dolo Spedifen. Ndërsa ato që duhet të përdoren janë: Dafalgan, Panadol etj.
Ditëve të fundit nëpër mediat sociale ka qarkulluar një paralajmërim për të mos përdorur medikamentet që në përbërjen e tyre kanë ibuprufen. Kjo materie, sipas paralajmërimeve në fjalë përkeqëson në masë të madhe gjendjen e njerëzve tashmë të infektuar me koronavirus, shkruan albinfo.ch duke iu referuar mediave ndërkombëtare.
Ata që e bënin paralajmërimin, i referoheshin një studimi të bërë nga një institut i rëndësishëmi Universitetit të Vjenës. Studimi, sipas tyre kishte ardhur në përfundimin se ata të infektuar me koronavirus që kanë përdorur ibuprufen, kanë pasur përkeqësim dramatik të gjendjes, transmeton albinfo.ch. Dhe, po sipas tyre, pikërisht fakti se në Itali medikamentet me ibuprufen janë përshkruar me të madhe nga mjekët, ka bërë që atje të jetë kaq e lartë vdekshmëria nga koronavirusi.
Ndërkohë, instituti vjenez pak ditë më parë ka përgënjeshtruar lajmin për ekzistimin e një studimi të tillë. Në përputhje me këtë, edhe autoritetet shëndetësore të Zvicrës patën apeluar që të mos i besohet lajmit të përmendur, mbi dëmin që sjell ibuprufeni.
Mirëpo sot, Zyra Federale për Shëndet Publik (BAG) ka dalë me një apel tjetër. Autoriteti më i lartë shëndetësor i vendit rekomandon që për ulje të temperaturës të mos përdoren medikamentet që përmbajnë ibuprufen! Edhe pse nuk është dëshmuar se ibuprufeni shkakton probleme në raport me koronavirusin, megjithatë, në raste të veçuara është vënë re një lidhje e tillë, përcjell albinfo.ch. Por, ekzistimi i lidhjes në mes të ibuprufenit dhe përkeqësimit të gjendjes së personave me koronavirus është duke u testuar aktualisht, shkruan BAG.
Medikamentet që përmbajnë ibuprufen janë: Algifor, Dismenol, Dolo Spedifen dhe të gjitha që në emërtimin e tyre përmbajnë fjalën “ibuprofen”.
Si alternativë për uljen e temperaturës BAG rekomandon barnat me bauüe paracetamolin. E ato janë: dafalgan, panadol ose doleran.
Të ngjashme
Të tjera nga Koronavirusi: çast pas çasti
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë