Azilkërkuesi shqiptar i shkakton plagë të rënda bashkatdhetarit të tij

Mbrëmjen e të enjtes në afërsi të një kampi azilkërkuesish në Preusisch Oldendorf ka ndodhur një konflikt fizik në mes të dy shqiptarëve, me ç`rast njëri prej tyre, një 32 vjeçar,  ka pësuar plagë të rënda nga goditjet me thikë, shkruan westfallen-blatt.de

Policia ishte alarmuar rreth orës 19.30 për zënkën që kishte ndodhur në mes të dy azilkërkuesve. Shqiptari 25 vjeçar i kishte shkaktuar plagë të rënda me thikë bashkatdhetarit të tij 32 vjeçar, transmeton albinfo.ch. Policia bën të ditur se i plagosuri është transportuar në spital në Lübbecke ku është operuar dhe është jashtë rrezikut për jetën.

Ndërsa 25 vjeçari i cili fillimisht kishte ikur nga vendi i ngjarjes i është dorëzuar të premten policisë në Entin social të Lübbecke-s. Ai është arrestuar dhe ndodhet nën masat policore.