Automjetet elektrike do të kushtojnë njëjtë si makinat e zakonshme

Kompania financiare «Morgan Stanley» është e guximshme në parashikimin e reduktimit të automjeteve elektrike, dhe sipas ekspertëve të kompanisë në vitin 2025 çmimet për automjetet elektrike dhe ato me motorët me djegie të brendshme konvencionale do të barazohen.

Aktualisht, shitjet e automjeteve elektrike mezi arrijnë 1-2 për qind të tregut të përgjithshëm të makinave, kryesisht në vendet e zhvilluara, ku konsumatorët kanë një interes në rritje në modelet mjedisore.

Shumë analistë besojnë se çmimet e naftës dhe parashikimet për të ardhmen, sipas të cilave benzina dhe nafta do të jenë të lira për një kohë të gjatë, nuk do të pasqyrojnë mirë hyrjen masive të makinave elektrike në tregun botëror.

Tani në shumë vende të botës çmimet e modeleve elektrike janë të afërta me ato me një motor nafte, për shembull, por kjo është e mundur në sajë të subvencioneve, të sponsorizuara nga buxhetet kombëtare të vendeve përkatëse.

Studimi i “Morgan Stanley” synon të krijojë një model për mënyrën se si do të duket tregu i makinave deri në vitin 2050.

Sipas kompanisë, shitjet e makinave në vitin 2025 do të rriten me 50%, në mbi 130 milionë. Gjithashtu, deri në vitin 2050 automjetet elektrike do të arrijnë një pjesë prej 80% të shitjeve në botë.